أقرا برجك وأعطى رايك.....
الخروف 
الحكاية ماسة بعضها هاليومين ..دورلك على خدمة وفكك من جو الشارع .. فيه هلبه بناويت مضروبات فيك و أولهم جميلة الحولة ..رد بالك منها راهي امتع كتيبة ودوه فارغة ...
يوم الحظ ( وسع بالك .السبوع هدا ما فيش حظ )
السطل 
تو ينفعك التنسريف ..قد تعاني من الكساد هدا الشهر .. حاول ان تدهب إلى شارع سناء ولا عكس في الجردينة الجديدة .. ورد بالك تشري كندرة كحلة ..فالها مش باهي ليك ..
يوم الحظ ( اسمك ما عندناش راجع بعد غدوة )
الثور 
يا سموني . مش قتلك معاش اتناشب الناس .. رد بالك على صحتك وياسر من الرياضي وانت اتقول مردومه .. وحاول التقليل من الدهاب إلى شاطيء الأمان والشجرة .. مصاريفهم هلبه
يوم الحظ ( مافيش حل شد الطابور لن يوصل دورك )
التوامة 
تطورات في الناحية العاطفية ..مش منك من الخرط في الجامعات والمعاهد ..ماعلينا .. حاول ان تكتر من اكل المركونه فالنجوم تخبرك بانها صحية ميه المية .. بالدات لما جارية ..
يوم الحظ ( خل انسقدو اللي قبلك وانت امداير دوشة )
الفيل 
عليك بممارست الروتين اليومي ..نوض الصبح ..أطلع للشارع وعول على مكياطة وباكو دخان وشد وانفخ لن اتموت .. سيائتيك خبر جميل في الاسبوع الماضي فكن على استعداد ..
يوم الحظ ( وين رقمك يا شاب ..فيه قبلك هلبه )
الأسد 
أيوه حنا ..وي ..غير ساعد روحك عارفينك واعر .. قد يتعفلق من تحبهم ودلك لانك اتدير في روحك حرجان منهم ..فولح عليك الدوة الفارغة وبرا صفي وضعك خير ما اتريح عليك ..
يوم الحظ ( يمكن أن يكون مقفل أو خارج نطاق التغطية )
يتبع...............
وين ردور
تحياتى ::-_-::
ساحر ال 
موضوع: خرط فى خرط 
2008-04-20, 12:55
